Saltar a contenido

Jardunaldia: “Generoa, medikalizazioa eta osasun mentala”

Público destinatario:

Osekitik Generoa, Medikalizazioa eta Osasun Mentala jaurdunaldia antolatu dugu, datorren Urriaren 2an, Bizkaia Aretoan, Bilbon. Bertara joaterik ez baduzu, jardunaldiak online jarraitu ahal izango dira.

Jardunaldi hauen helburua osasun mentalean eta haren medikalizazio-prozesuan emanten ari diren genero-desberdintasunei buruz hausnartzea da. Tokiko eta nazioarteko ikerketa ugarik erakutsi dute osasun mentalaren adierazleak okerragoak direla emakumeengan, hein handi batean, gizonen eta emakumeen bizi-baldintzak desberdinak direlako, maskulinotasun eta feminitate hegemonikoen eredu nagusien ezaugarriekin batera.

Gainera, emakumeen osasun mentalaren medikalizazio-prozesua gero eta ageriagokoa da, depresioarekin eta antsietatearekin diagnostikatzen diren kasuak askoz ere ugariagoak baitira haiengan eta psikofarmako gehiago agintzen baitzaizkie.

Emakumeen osasunaren medikalizazioa bultzatzen dituzten mekanismo balizkoen inguruko lanak ez dira lehentasun zientifikoa izan, eta bestalde, egin direnen berri emateko ahaleginak egin behar dira. Era berean, ikerketa-ildo honen inguruan hausnarketarako eta ezagutza partekatzeko espazioen falta agerian dago, arlo klinikotik zein osasun publikotik egindako ekarpenak konbinatzen dituen diziplinarteko ikuspegi batetik.

Horregatik, jardunaldi honetan, azalpen teorikoak edo kontzeptualak eta lantaldeetako hausnarketak uztartuko dira, bai eta gaiari lotutako eta genero-ikuspegi esplizitu batetik egindako ikerketei edo esku-hartzeei/esperientziei buruzko ahozko komunikazioen azalpena ere.

Egitaraua

Harpidetza egiteko, sakatu hemen.